ഒറ്റക്കണ്ണന്‍ സാക്ഷിയെ കണ്ടവരുണ്ടോ ?

സാക്ഷിക്കെന്താ കൊമ്പുണ്ടോ? സാക്ഷി കുറേ നാളായി ഇതു ചോദിക്കാന്‍ തുടങ്ങിയിട്ട്.സാക്ഷിയ്ക്ക് കൊമ്പുണ്ടന്ന്സാക്ഷിതന്നെ ഉത്തരവും നല്‍കി.കൊമ്പുമാത്രമല്ല സാക്ഷിക്കുള്ളത് ഒരു കണ്ണുമുണ്ടന്ന് സാക്ഷി തന്നെ കാണിച്ചുതരും.ഒരു കണ്ണേ ഉള്ളു എങ്കിലും ആ കണ്ണുകൊണ്ട് എല്ലാ അപ്രിയ സത്യങ്ങളും കാണാന്‍ പറ്റുമെന്ന് സാക്ഷി തന്നെപറയാന്‍ തൊടങ്ങിയിട്ട് കുറേ വര്‍ഷങ്ങളായി.ആ പറച്ചില്‍ കുറേ സത്യം ഇല്ലാതയും ഇല്ല.അപ്രിയമായ സത്യങ്ങള്‍വിളിച്ച് പറയാന്‍ പാടില്ല എന്ന് പണ്ട് ആരക്കയോ ചേര്‍ന്ന് പറഞ്ഞത് സാ‍ക്ഷികേട്ടുകാണാതിരിക്കാന്‍ വഴിയില്ല.അനുസരണം തൊട്ടുതീണ്ടീട്ടില്ലാ‍ത്ത സാക്ഷി അത് കേട്ടില്ല.കേട്ടിട്ടും കേള്‍ക്കാത്ത ഭാവത്തില്‍ ഇരുന്നതാണോഎന്ന് സാക്ഷിക്ക് മാത്രമേ അറിയത്തുള്ളു.

നാട്ടിലെ അപ്രിയ സത്യങ്ങള്‍ വിളിച്ചു പറഞ്ഞ് സാക്ഷി വളര്‍ന്നു.’ഒരു ജനതയുടെ ആത്മാവിഷ്ക്കാരം’ആയതു കൊണ്ട്സാക്ഷി എല്ലാ ഞായറാഴ്ചയും രാത്രി പത്തുമണിക്ക് വന്ന് അപ്രിയ സത്യങ്ങള്‍ വിളിച്ചു പറഞ്ഞു.പക്ഷേ ഇന്നലെ(11-05-08)രാത്രി പത്തുമണിക്ക് അപ്രിയ സത്യങ്ങള്‍ വിളിച്ചു പറയാന്‍ സാക്ഷി വന്നില്ല.കഴിഞ്ഞ ആഴ്ച് വിളിച്ചുപറയാന്‍ പറ്റിയ അപ്രിയസത്യങ്ങള്‍ ഇല്ലാതിരുന്നതുകൊണ്ടാണാവോ സാക്ഷി ഇന്നലെ വരാതിരുന്നത്.?ഏതായാലുംഅതാവാന്‍ വഴിയില്ല.കഴിഞ്ഞ ആഴ്ചയാണല്ലോ മലയാളികള്‍ ഏറ്റവും കൂടുതല്‍ നേരം വാര്‍ത്താചാനലുകള്‍ കണ്ടത്.പിന്നെന്താണ് സാക്ഷി വരാതിരുന്നത് ?

ആരക്കയോ ചേര്‍ന്ന് സാക്ഷിയുടെ കാഴ്‌ചയുള്ള കണ്ണും കൂടി കുത്തിപ്പൊട്ടിച്ചു കാണും.കൊമ്പും ഊരിയുട്ടുണ്ടാവും.കാണുന്ന എല്ലാ അപ്രിയ സത്യങ്ങളും വിളിച്ചു പറഞ്ഞുകൂടാ എന്ന് സാക്ഷിക്ക് ഇപ്പോള്‍ മനസ്സിലായിട്ടൂണ്ടാവും.സാക്ഷിയുടെ മാതാവും പിതാവും ആയ ‘N ടിവി‘ക്ക് ഇത് പണ്ടുമുതലേ അറിയാവുന്ന കാര്യമാണ്.പക്ഷേ ‘ജനതയുടെ ആത്മാവിഷ്ക്കാരം’ ആയതുകൊണ്ട് സാക്ഷിക്ക് ഒന്നും പറ്റത്തില്ലന്ന് അവര്‍ വിചാരിച്ചിട്ടുണ്ടാവും.ഒരു കുട്ടിയെ നഷ്ട്പെട്ടതിന്റെ വേദനമാറുന്നതിനു മുമ്പുതന്നെ ‘N ടിവി‘ക്ക് തങ്ങളുടെ രണ്ടാമത്തെ കുട്ടിയേയും നഷ്ടപ്പെടുത്തേണ്ടി വന്നു.പണ്ട് ‘അണിയറ‘ എന്ന കുട്ടിയെ ദൂരദര്‍ശനില്‍ വളര്‍ത്താന്‍ വിട്ടതാണ്.ദൂരദര്‍ശന്‍ പറഞ്ഞു വിട്ടപ്പോള്‍തങ്ങള്‍ ‘അണിയറ’മോനെ വളര്‍ത്തിക്കൊള്ളാമെന്ന് പറഞ്ഞ് സൂര്യ വിളിച്ചോണ്ട് പോയി.അവിടെ ചെന്നിട്ടും‘അണിയറ’മോന്‍ നന്നായില്ല.അവിടയും അപ്രിയ സത്യങ്ങള്‍ വിളിച്ചു പറയാന്‍ തുടങ്ങി.അവരും പറഞ്ഞു വിട്ടു.‘അണിയറ’മോന്‍ സത്യം മാത്രമേ പറയാവൂ എന്ന് പറഞ്ഞ് ഇന്‍ഡ്യാ വിഷന്‍ ‘അണിയറ’മോനെ വിളിച്ചുകൊണ്ടുപോയി.‘അണിയറ’മോന്‍ പറയുന്ന സത്യം കേട്ട് ഞെട്ടിയ ഇന്‍ഡ്യാ വിഷനും അണിയറമോനെ പറഞ്ഞുവിട്ടു.പാവം ‘അണിയറ’മോന്‍ ! അകാലത്തില്‍ പൊലിയാനായിരുന്നു അവന്റെ വിധി!!!

‘അണിയറ’മോന് സംഭവിച്ച ഗതി തന്നെയാണോ സാക്ഷിക്കുട്ടനും സംഭവിക്കുന്നതെന്ന് അറിയാന്‍ കുറച്ചു നാളുകള്‍കൂടി കാത്തിരിക്കണം.ഏതോ ഒരു ‘ബ്രൂട്ടസ് ‘സാക്ഷിയുടെ കൊമ്പും ഊരി കണ്ണും കുത്തിപ്പൊട്ടിച്ചു.എന്തുകൊണ്ടാണ്സാക്ഷിയുടെ കൊമ്പ് ഊരിയതന്ന് അറിയണമെങ്കില്‍ മെയ് മൂന്ന് ശനിയാഴ്ച്‌ത്തെ മലയാളമനോരമയുടെ ‘പിന്നാമ്പുറം‘ഒന്നു വായിച്ചു നോക്കിയാല്‍ മതി.

ഇന്നലെ രാത്രിയിലത്തെ കൈരളിവാര്‍ത്തയില്‍ സന്തോഷ് മാധവനെക്കുറിച്ചുള്ള വാര്‍ത്തയുടെ അവസാനം കേട്ടത്.“കൈരളി ഒരിക്കല്‍ കൂടി ജനങ്ങളോടുള്ള പ്രതിബദ്ധത നിറവേറ്റി”.ഇതു തന്നെയാണ് സാക്ഷിയുടെ കാര്യത്തിലുംസംഭവിച്ചത്.“കൈരളി ഒരിക്കല്‍ കൂടി സഖാക്കളോടുള്ള പ്രതിബദ്ധത നിറവേറ്റി”.‘ഒരു ജനതയുടെ ആത്മാവിഷ്ക്കാര‘ത്തില്‍ കയറി സ്വന്തം ആവിഷ്ക്കാരം കാണിക്കാന്‍ സാക്ഷി ഇറങ്ങിപ്പുറപ്പെട്ടത് തന്നെ തെറ്റ്.‘N ടിവി‘പ്രത്യേകിച്ച് ലീനും ഏലിയാസും ഒന്നു ഓര്‍ക്കണമായിരുന്നു അപ്രിയസ്‌ത്യങ്ങള്‍ വന്ന് സാക്ഷിയില്‍ വീണാലുംസാക്ഷി ചെന്ന് അപ്രിയസ്‌ത്യങ്ങളില്‍ വീണാലും സാക്ഷിക്ക് തന്നയാ അതിന്റെ കേടന്ന്.ആളും തരവും നോക്കിയേഅപ്രിയ സത്യങ്ങള്‍ വിളിച്ചു പറയാവൂ എന്ന് സാക്ഷിക്ക് മനസ്സിലായിട്ടുണ്ടാവും.

എന്തെല്ലാം പുകിലായിരുന്നു; കൊമ്പ്,സത്യം,അപ്രിയ സത്യം,ഒറ്റക്കണ്ണ്...എന്നിട്ടോ ?... അവസാനം പവനായി ശവമായി !!!!